Årsstudium i naturforvaltning
Se studieprogramÅrsstudiet i naturforvaltning handlar hovudsakleg om biologiske og forvaltningsrelaterte emne. Du lærar om naturmangfald på artsnivå og spesifikk forvaltning av hjortevilt og fisk. Studiet er eit tilbod til deg som ønsker å starta ei høgare utdanning i naturforvaltning, eller vil satsa på naturbasert næring.
Studiet inneheld emne som til saman gjev innsikt i viktige sider ved forvaltingsverdiane i naturen. I tillegg til forelesningar inneheld dei fleste emne feltkurs, ekskursjonar og prosjektoppgåver. Delar av undervisninga går føre seg i felt, bl.a. praktisk elgjakt, elektrisk fiske og rypetakseringar. Delar av undervisninga kan bli gjeven på engelsk.
Etter gjennomført årsstudium i naturforvaltning skal kandidaten
Kunnskap
- ha grunnleggande kunnskap om natur og forvaltning av natur i Norge
- ha kunnskapar innanfor grunnleggjande biologiske emne: zoologi, etologi, kjemi og genetikk
- ha grunnleggjande innsikt i norsk skogforvaltning og norsk skogbruk
Ferdigheiter
- ha praktisk innsikt i jakt og fiske og i vilt- og fiskeforvaltning
Generell kompetanse
- kunne gjera greie for og formidla grunnleggjande naturkunnskap
Opptak til studieprogrammet krev generell studiekompetanse.
Søkarar som ikkje har generell studiekompetanse, og er 25 år eller eldre, kan søke om opptak på grunnlag av realkompetanse.
Realkompetanse:
Arbeid innan landbruk, skogbruk, fiskeri, friluftsturisme, skjøtsel, miljøforvaltning, reindrift, klima og miljøvern og andre relaterte næringar/organisasjonar.
- Skular med relevant linje/fag i forhold til utdanningen kan til dømes vera grøne fag, blå fag, tekniske fag og næringsmiddelfag.
Vidare gjeld følgande faglege krav:
- Norsk frå Vg2
- Matematikk frå Vg1
- Naturfag frå Vg1
Utover semesteravgift og pensumlitteratur krev me at studenten disponerar ei bérbar datamaskin med headset og kamera. Studentane må kjøpa eigen laboratoriefrakk til bruk i emne med laboratorieøvingar.
Vidare må ein rekne med utgifter til transport, kost og losji i samband med ikkje-obligatoriske ekskursjonar og feltkurs.
Merk at fakultetet avheng av at nokre studentar stiller med eigen bil til køyring på enkelte ekskursjonar. All køyring vil bli kompensert etter satsane til staten for køyregodtgjersle.
Studentane blir vurderte gjennom ulike eksamensformer (sjå dei ulike emna som inngår i programmet for detaljar) og ut frå forskriftene til NOKUT.
Vurdering og karakterfastsetting skjer ut frå bokstavkarakterar A-F, der A er best og F er ikkje bestått. Vurdering kan òg i nokre emne skje som bestått/ikkje bestått eller godkjend/ikke godkjend. Sjå elles lover og forskrifter.